انت ، وانا .. ياريت فينا نطير

منهكة حد الإنهيار

قتلنى حقا الشوق اليك

وقتلتنى احلامى بلقائك

اخذت نفسا عميقا

اغمضت عينى

وهناك التقيتك

ووسط همسات هاربة من قلب منهك

حَملتٌ اشواقى فى كلمة واحدة:

احبك

قل لى : متى سأسترد انفاسي المأخوذه بسببك

احاسيسى مليئة بجمر الحياة..

اخاف ان احرقك..

ستتحمل؟؟

احبك.. جداااااا

هسـس .. اسمع دقات قلبى !!!

مش عايزاك تسمع كلام

لأنى

مش حنطق كلام

خلى بس

قلبك مفتوح

وروحك معايا

ولما عنيا تلمع وهى بتتكلم ..

احضنى

طبطب عليا

خلى ايدك على قلبى

قلبى اللى بيدق ودقاته كلام

فاهمها ؟؟

طب افهمها !

شوفت .. مش عايزه منك حاجه تانيه !!

كانت مشاعر استثنائية

نعم كانت مشاعر استثنائية

وكيف لى أن أنسي ؟!
عشت معك حقيقة عمرى
كل الكلمات فى وصفك عبث عبث

من قال اننى قد انساك
مازلت تخفق فى قلبى
فى عقلى
فى روحى


أفتقدك
أفتقد كفك وكتفيك

وأفتقد نفسي بك

عندك تنتهى حدود وجعى !!

المشاعر الصادقة لا تؤجل ،ولا ردود الأفعال العفويه،ولا الأفكار الطارئه
أعرف أنك مشغول..
قد تؤجل كل ذلك وقد أقتحم الزحام وأرمى نفسي المبعثره دون سابق إنذارودون أى إعتبارات ..
قد أتحدث وأتحدث وأنهى حديثى بكلمة:
يكفينى أنك تسمعنى .
ولكن أتعرف ؟!
لا توجد أمرأة تكتفى بمجرد البوح !!
إفتح ذراعيك واحتوينى ..
عندك تنتهى حدود وجعى .
" يدك اللى لا تربت على كتفى .. توجعنى "

يامن هواه أعزه وأذلنى !!

كنت اصرخ فى وجهك : احبك
كنت استنفذ طاقات القلب بحثا عن مفردات حب جديده اختصر بها حالتى معك.
كنت اعيش فى تفاصيلك وأتأملك حتى تخدرنى عيناك
كنت ، وكنت ، وكنت ..
وكان صمتك فى الهوى موجعى !

شكلى ابتديت أهلوس !!

نعم اعتقدت فى لحظة انك انا !!

وآمنت فى لحظة تليها اننى منك !!

واننى انت

وانك انا

وان انا اصبحت انت

وان انت اصبح انا

واننى اعرف انا من خلال انت

واننى توقفت عن سؤالى الأزلى من أنا !!

ببساطة ..حستنى بيك

خارج حدود الأزمنه والأمكنه

نسيت بس اسأل سؤال

هى الحدود اللى بينا بقت سراب ؟!

ولما هى سراب ليه عندى حالة الم متمكنه !!

طب مين أنا ؟!!

مين أنا ؟!!

كائن مسكون بإنشطار ؟!

قلب بيعشق مرة جنة ومرة نار ؟!

مين أنا ؟!

حد مخنوق ؟!

ومن امتى الدنيا كانت بتروق ؟!

تعرف أنا شكلى ابتديت بأنت وأنا

وشكلى انتهيت بأنى أنا

ورقة من النص

لا من هنا ولا من هنا

مجرد ورقة فى النص !!

بالزنبق امتلأ الهواء

كان يدندن وهو يعزف العود ..

على وجهه ابتسامة دافئة ..

لا اعرف بأى مقادير صنعها لتظهر بهذا الشكل ؟!

كنت اسمع عزفه الختامى فى القاعة

قالوا لى انها ساحة يجتمع فيها أهل الفن

لا اعرف اى انشودة سحرية كان يتمتم..

ولا اى سحاب كان يأخذنا اليه لنتلاشي ونتفتفت !!

كان يملك قدرة سحرية على ابداع المعزوفه بروحه ..

يقولون ان هذا فن .

.واقول انه سحر !!

واتذكر محمود درويش يردد"بالزنبق امتلأ الهواءُ، كأنّ موسيقى ستصدحُ"

واردد فى سرى

بالزنبق امتلأ الهوااااااااااااء

بالزنبق امتلأ الهوااااااااااء