تدوينتدوين
تدوين
مبقتش عارفه بيسعدنى ولا بيدوس على وجع قلبى ساعات ويخلى الحلم مشاع والهلوسة صوتها عاااااالى
آآخ.. شوية جنان على هرتلة ساعات
قلب مش بيبطل يدق ولا يحلم ويغنى ويعيط ويتلون كل يوم بلون
امبارح للمرة التانيه من ساعة ما فتحت المدونة حاجه كده خلتنى اعمل سيرش فى جوجل على كتاباتى هنا
اووووبس .. للمرة التانية بكتشف انى بتسرق !! عينى عينك كده !!
ورغم انها تانى مرة اشوف كتاباتى ومشاعرى مكتوبة فى اماكن تانية بأسماء ناس تانية يعنى مفروض متكونش صدمة قوى
لكن حقيقى حسيت بنفس الوجع الأولانى بكل تفاصيله .
حاليا بتلح عليا فكرة التوقف عن النشر فى المدونة او حتى اغلاقها او جعلها للقراء المدعوين فقط
لا اعرف اى قرار سأتخذ شعرت فقط اننى احتاج ان اشرككم فى هذا الألم
كان من الغريب بالنسبة لى ان اجد من ضمن ما وجدت من كتاباتى ان بعض من يزورنى هنا ويترك لى تعليقاته يقوم بالمبالغة
الشديدة جدا فى اقتباس كتاباتى من كل بوست ليشكل بها بوست ينسبه لنفسه رغم ان كل سطورة تخصنى تم تجميعها كااااااملة من هنا!
اعتز فى ذات الوقت بمعرفة الكثير جدا من المدونين الأفاضل عن طريق مدونتى وسيكون من الصعب جدا على ان اقرر اغلاق
هذه النافذة من روحى هنا التى انتفس فيها ولكن تكرار اسلوب السرقة هذا يؤلمنى فعلا .
