روتين ..
روتين ..
روتين ..
فى كل حتة ..فى كل يوم
تحارب تعافر تخرج منه
تبص جواك
تلقى حتى دقة قلبك
عمالة تدق من ساعة ما تولدت ..
بنفس الروووووووتين !!
اتارى الروتين بيجى من جوه !!
عايز تغيره ؟!آه .. ممكن ..
ليه لأ ..
قلبك عيان ؟!
قلبك مهموم؟!
قلبك غلبان ؟!
مش عارف تنام ؟!
فى الحالات دى ممكن تخرج بره الروتين !
اقولك..جرب تحب ..حب اى حاجه ..
هواية .. فن .. مزيكا .. رياضة .. اى حاجه
واهو انت كده..بقيت بجد .. بره الروتين !!
بس .. قد اية حتعرف تحافظ على حبك الجديد ..
قصدى روتينك الجديد !!!!!!
هناك 9 تعليقات:
السلام عليكم
وبعدين فى الروتين دا
ورايا وارايا
اول تعليق هييييييييه
كل سنة وانتى طيبة
ورمضان كريم
وبعدين اجمل شئ
انك قلتى ازاى نخرج من الروتين
اننا ندور على شئ جديد
نحب شئ جديد
المهم نحس بتغير
دمتى حبيبتى
او غير نظام حياتك :)
واه من الروتين
وياريت اعرف احب
كنت حبيت حاجات كتير
بوست جميل
حزينه
الروتين زي البروتين مفيش غنى عنه !! :..الأول بيكبر الدماغ او اليوم والثاني بيكبر العضلات ::: . من السهل أن نعمل خطط ونتكلم ع الروتين ولكن محدش بينفذها ....
كل روتين وانت طيبة
smilyrose
كل سنة وانتى طيبه يا حببتى ..
تعلقين مرة وحده
هههه بتنورى بجد
بحب انى اشوفك جدا
اما الروتين والجديد
ادينا بنعافر فى الدنيا اهو ...
ميرسى على زيارتك الجميلة
كيارا
كل سنة وانتى طيبه ..
حاولى .. احنا بس بنحاول
حزينه
يا رتنا نعرف ..
فعلا مش ديما بنعرف
لكن حاولى ديما
حاجات كتير ممكن نلاقيها لو دورنا عليها
حاجات كتير ممكن نحبها
ممكن نديها وقت كان مليان ب ولا حاجه !
طارق
مهو مفيش حاجه بتدمرنا فعلا غير اننا مش بنعمل !!
بنحلم بس !!
متهيألى فى لحظة فى حياة كل انسان بيحس انه خلاص مش طايق الإستسلام لحفرة الروتين وضياع الوقت
لما تيجى اللحظه دى اشبط فيها
ولو مجاتش ..
اممم دور عليها يا عم !!
بلاش كسل كده !!
إرسال تعليق