ديما بنحلم نرجع اطفال ..بيوحشنا الإحساس بالطيران
الإحساس بالحريه..
الإحساس بان كل حاجه سهله وبسيطه قوى
وانك بمجرد ما تفتح ايديك فى الهوا حتطير
الغريبه انى كنت بحس باحساس الطيران فعلا
بحسه فى اوقات كتير قوى
خصوصا لما كنت بركب العجله بتاعتى
كنت بحس انى بطير بسرعة
لدرجه انى بخترق الهوا..
لما بنبقى أطفال بنحب نجرى فى كل مكان
ولما بنكبر بنلاقى نفسنا مضطرين نجرى
بس جوا نفسينا .
هناك 4 تعليقات:
أسلوبك جميل أوي يا لولا وفعلا أجمل احساس احساس الطفوله بس صدقيني السن اللي انتي فيه دلوقتي أجمل بكتير من أيام الطفوله كفايه انك تقدري تحبي فيه لأن الحب الطاهر في السن دا اللي هوا انتي فيه كالهواء الذي نتنفسه كي نعيش ففي هذا السن لا نقدر ان نعيش بدون حب
السلام عليكم اولا انا حاسس ان حياتك دلوقتى فى حالة تزبزب انا معرفش لية بس من كتباتك انا حاسس بكدة لان اى حد متعود على الكتابة ممكن يميز شخصية اللى قدامه من كتابتهواتمنى انك تكونى سعيدة دائما ثانيا انا بتمنى انك تنزلى بوست كل اسبوع
احمد الشاعر
أمير البلانكو
مش عارفه اذا كان كلامك صح ولا غلط دلوقتى
فى مرحله كنت حاسه بيها باللى انت بتقولو..بس دلوقت سدقنى محتاجه انى ابقى مجرد طفله .
لولا
أحمد..
انت حقيقى بتفاجئنى ديما بكلامك!
بس قولى مين فينا حياته راسيه..
مين فينا واقف على ارض مش بتتحرك تحته؟!
لولا
إرسال تعليق