-هو: انتى بقيتى يائسه خالص !
فين التفاءل بتاعك ؟
- هى : يأس .. تفاءل !
يعنى ايه ؟ ايه الفرق ؟
فى اختلاف فى الطعم !
-هو:انتى مكنتيش كده .. انتى اللى كنتى بتدينى الأمل
-هى :الأمل دا بيكون ليه هدف .. ايه الهدف ؟
معنديش هدف .. معنديش حاجه.
هو: حاله اكتئاب دى ؟!
-هى : يعنى ايه اكتئاب ؟
شيء برضه مضاد لكلمه تانيه..
تكمله يأس وتفاءل !
مسلسل شويه متضادات .
مش حاسس ان طبيعى المعانى تختلط كلها عندى
مش حاسس ان كل شيء حولينا مالوش معنى ..
باهت .. او يمكن مالوش لون اصلا.
-هو:احنا اللى بنحدد نشوف الحياه ازاى
لما بنفرح بنشوفها حلوه
ولما بنتكئب بنشوفها من غير لون .
-هى :طيب لما نبقى مش شايفين الحياه اصلا ، يبقى دا ايه !!!
هناك 4 تعليقات:
انا اول زائر بس في اللحظة الاخيرة
نازل الشغل دلوقتي
وراجع بكره اعيش مع مدونتك الجميلة
تحياتي لولا
يا خبر يا شملولى!!
انت طلعتلى منين بس؟؟!!
كده تيجى على غفله وانا بره؟!
والله مكسوفه منك بجد. دا انا فاتحه المدونه دى من يومين كده ولسه بجرب فيها. واعيش مع نفسي .
ياااااااااااه متخيلتش الاقيك هنا خالص . كده انا مش عارفه اقول ايه.
ما أصل انا لا بكتب شعر ولا قصص.
انتا عارفنى ياسيدى الحكايه كلها شويه تهييييس زى ما انت قلت. احساس جديد ان ليك مكان بتاعك تدور فيه على نفسك.
بس مع نفسك بقى !!
مش عارفه اذا كنت فاهمنى؟
انا بس حاسه انك حتلاقى هنا لولا تانيه غير اللى هناك . لولا ضايعه
وسط الزحمه. بتحب صحيح، لكن جواها وحيد !! مش عارفه حتفهم دى ولا لأ؟
بس بما انك خلاص عرفت الطريق ، مقدرش غير ارحب بيك. وانت فعلا اول حد هنا يعرفنى.
لولا
بتحب صحيح، لكن جواها وحيد !!
فاهمها جدا والله
الله عليكي
بحب المكتئبين
اصحاب النزعه الانتحاريه
اصحاب الميول الرومانسيه
اصحاب الافكار المعقده
اصحابي
واخواني
إرسال تعليق