فى استغراب مش عارفه اذا كان حد قبل كده استغربه..
اسمه استغراب يخوف ..
يخوف ليه؟
لأن ببساطه يحسسك بالجنون..
انك مجنون..
او حتبقى مجنون..
او كنت مجنون من الأول ومكنتش عارف !
استغراب يخليك تسمع دقات قلبك فى وسط بحر من السكون
فتستغرب انه كان ديما جواك وعمرك ما سمعته!
ا ستغراب يخليك تسمع صوت صرختك وسط اوضه فاضيه
مفيهاش غير الصدى فتستغرب ان ده كان صدى صوتك..
صوتك اللى اول مره تسمعه كده من بره!
استغراب يخليك تمسك قلمك عشان تكتب فكره مجنونه جاتلك
فتلاقى نفسك نسيت الفكره واكتشفت ايدك!
اول مره تشوفها كده!
مع انها كانت معاك طول عمرك!
استغراب يخليك تحط ايدك على صدرك فتحس انه فى هوا بيدخله
من يوم ما تولدت بس عمرك ما شغلت بالك
هو ازاى بتتنفس هوا مليان وساخه ولسه بيتقال عليك انسان نظيف !
هناك تعليقان (2):
يااااااااااه ..
ياما حصلت يا لولا
مش عارفه اقولك غير إني مبسوطه إنك علقتي عندي عشان أستكشف الكنز ده ..
"مدونتك " ..
تحياتي:)
سمسم
رد متأخر ..
مبسوطه جدا انك قريت الحاجات القديمه دى
إرسال تعليق